«Туган көнең белән, Татарстан!»: бәйрәм программасы (0+)
26 август көнне 15 нче санлы китапханә «Туган көнең белән, Татарстан!» дигән бәйрәм программасы белән 45 нче мәхәлләнең җирле иҗтимагый үзидарәсе тарафыннан үткәрелүче Ишегалды бәйрәменә кушылды.          Өлкәннәр өчен «Шәһәрле уйныйбыз», «Чаллы турында нәрсә беләсең?», «Сигез гореф-гадәт» викториналары, «Татарстанда ни үсә», «Милли бәйрәм тәме», «Картада музейны тап» интеллектуаль-күңел ачу уеннары әзерләнде. Өлкәннәр һәм балалар бик теләп һәм азарт белән «Татар милли ризыклары» дигән башваткычны чишәргә тырышты. Балалар өчен республикабыз тарихы буенча пазллар әзерләнгән иде. Бәйрәм программасында «Илһам» бию студиясе катнашты. |
